გეოგრაფიის უფროს მასწავლებელთა ტრენინგები დასრულდა
✅ აჭარის განათლების, კულტურისა და სპორტის სამინისტროს მხარდაჭერით ა(ა)იპ აჭარის განათლების ფონდში (ბათუმის მასწავლებლის სახლში) დასრულდა ტრენინგები საჯარო და კერძო სკოლების გეოგრაფიის უფროსი მასწავლებლებისათვის. ტრენინგ-მოდულის ხანგრძლივობა და დროში განაწილება: 20 საკონტაქტო საათი, 10 სესია, ერთი სესია - 2 საათი.
✅ 2021 წლის 19-28 ივლისს ბათუმის მასწავლებლის სახლში ჩატარდა ტრენინგები უფროსი მასწავლებლის სტატუსის მქონე საბაზო და საშუალო საფეხურის გეოგრაფიის მოქმედი მასწავლებლების ორი ჯგუფისათვის.
✅ ტრენინგ-მოდულს: „გეოგრაფიული წიგნიერება: ციფრული რესურსების და გეოგრაფიული წყაროებისა გამოყენება გეოგრაფიის სწავლებისას“, ატარებდა ბათუმის მასწავლებლის სახლის ტრენერი: ლუიზა რევიშვილი.
✅ მოდულის მიზანია: მასწავლებლები გაეცნონ გეოგრაფიული წყაროების გამოყენების მნიშვნელობას და სტრატეგიებს გეოგრაფიის სწავლებისას და კომპლექსურ დავალებებზე მუშაობისას; გაეცნონ სწავლებისათვის სასარგებლო გეოგრაფიულ ინტერნეტ-ინსტრუმენტებს და ელექტრონული რუკების - პროგრამების Google Earth - ისა (გუგლ დედამიწა) და https://mapmaker.nationalgeographic.org/ -ის გამოყენებას; შეიძინონ ცოდნა და გამოცდილება, რათა მოსწავლეებს განუვითარონ გეოგრაფიული წიგნიერება და სწავლა-სწავლების პროცესი გახადონ სახალისო, საინტერესო, ეფექტიანი და მოსწავლეებმა შეძლონ მიღებული ცოდნის პრაქტიკაში გამოყენება; კომპიუტერული პროგრამების გამოყენება საგნის სწავლებისას.
✅ ტრენინგის დასრულების შემდეგ მონაწილეები შეძლებენ: სხვადასხვა სახის გეოგრაფიული წყაროს მოძიებას და გამოყენებას სასწავლო პროცესში და კომპლექსური დავალებების დამუშავების ეტაპებზე; გამოიყენონ სწავლებისათვის სასარგებლო ინტერნეტ-ინსტრუმენტები; შექმნან გეოგრაფიული ელექტრონული ონლაინ რუკები; დაეხმარონ მოსწავლეებს და განუვითარონ გეოგრაფიული წიგნიერება: გეოგრაფიული ინფორმაციის მოძიება/ათვისება/გადმოცემა.
✅ იმისათვის, რომ მონაწილეს წარმატებით გავლილად ჩაეთვალოს ტრენინგი, მან მოდულის დასრულებისას უნდა დააკმაყოფილოს შემდეგი მოთხოვნები:
• დაესწროს ტრენინგის 80%-ს.
• გადალახოს სატრენინგო შეფასების მინიმალური ზღვარი - 60%.
✅ტრენინგების მიმდინარეობას პერიოდულად ეცნობოდნენ: დირექტორის მოადგილე - ლალი ლომთათიძე და მიმართულების კოორდინატორი - გიული მიქელაძე.
