ზოგადპროფესიული უნარების ტრენინგები წამყვანი მასწავლებლებისათვის

➡  აჭარის განათლების, კულტურისა და სპორტის სამინისტროს მხარდაჭერით ა(ა)იპ აჭარის განათლების ფონდში (ბათუმის მასწავლებლის სახლში) გრძელდება ტრენინგები საჯარო და კერძო სკოლების სტატუსიანი მასწავლებლებისათვის.

➡  2021 წლის 3-8 სექტემბერს ბათუმის მასწავლებლის სახლში დაიგეგმა და ჩატარდა ზოგადპროფესიული უნარების ტრენინგები წამყვანი მასწავლებლის სტატუსის მქონე პედაგოგთა ორი ჯგუფისათვის (I ჯგუფი: 12:00-14:00 სთ; II ჯგუფი: 15:00-17:00 სთ.).

ტრენინგ-მოდულის ხანგრძლივობა და დროში განაწილება: 12 საკონტაქტო საათი, 6 სესია, ერთი სესია - 2 საათი.

➡  ტრენინგ-მოდულს: „როგორ განვავითაროთ მოსწავლეებში პრობლემის შემოქმედებითად გადაჭრის უნარები“, ატარებდა ბათუმის მასწავლებლის სახლის ტრენერი: თამთა კვარაცხელია.

➡  აღნიშნული ტრენინგ-მოდულის მიზანია მონაწილეები გაეცნონ პრობლემის შემოქმედებითად გადაჭრის სტრატეგიებს, რათა შეძლონ პრაქტიკაში მიღებული ცოდნის ტრანსფერი.

➡ ტრენინგ-მოდულის თემატიკა: შემოქმედებითი და კრიტიკული აზროვნების არსი, განსხვავება ამ ორი ტიპის აზროვნებას შორის; კრეატიულობის განვითარების გენერაციულობის თეორია; პრობლების შემოქმედებითად გადაჭრა - გენერირების და ფოკუსირების ფაზების მონაცვლეობა; პრობლემის შემოქმედებითად გადაჭრის სტრატეგიები და მათი გამოყენება პრაქტიკაში.

➡ ტრენინგმოდულის დასრულების შემდეგ მონაწილეებს შეუძლიათ სასწავლო თემის, ცნებებისა და მკვიდრი წარმოდგენების  შესაბამისად პრობლემის შემოქმედებითად გადაჭრის სტრატეგიების ინტეგრირება თემატური ერთეულის დაგეგმვისას.

➡ იმისათვის, რომ მონაწილეს წარმატებით გავლილად ჩაეთვალოს ტრენინგი, მან  მოდულის დასრულებისას უნდა დააკმაყოფილოს შემდეგი მოთხოვნები: • დაესწროს ტრენინგის 80%-ს; • გადალახოს სატრენინგო შეფასების მინიმალური ზღვარი - 60%.

➡ მონაწილეთა  შეფასების კომპონენტებია:

• რეფლექსური დღიური - 30 ქულა
• პროექტის გეგმა - 70 ქულა (50 ქულა - პროექტის გეგმა, 20 ქულა - პრეზენტაცია)

➡ ტრენინგების მიმდინარეობას პერიოდულად ეცნობოდა დირექტორის მოადგილე - ლალი ლომთათიძე. აღნიშნული ტრენინგი ეტაპობრივად განხორციელდება აჭარის ყველა მუნიციპალიტეტის წამყვანი მასწავლებლისათვის.