ტრენინგები მათემატიკის წამყვანი მასწავლებლებისათვის
✅ აჭარის განათლების, კულტურისა და სპორტის სამინისტროს მხარდაჭერით ა(ა)იპ აჭარის განათლების ფონდში (ბათუმის მასწავლებლის სახლში) გრძელდება ტრენინგები საჯარო და კერძო სკოლების სტატუსიანი მასწავლებლებისათვის.
✅ 2021 წლის 3-8 სექტემბერს ბათუმის მასწავლებლის სახლში დაიგეგმა და ჩატარდა ტრენინგები მათემატიკის წამყვანი მასწავლებელთათვის. ტრენინგ-მოდულის ხანგრძლივობა და დროში განაწილება: 12 საკონტაქტო საათი, 6 სესია, ერთი სესია - 2 საათი.
✅ ტრენინგ-მოდულს: „მათემატიკური შინაარსის ინტერაქტიული მასალის შექმნა და გამოყენება მათემატიკის სწავლებისას საბაზო-საშუალო საფეხურზე“, ატარებდა ბათუმის მასწავლებლის სახლის ტრენერი როინ ნაკაიძე.
✅ ტრენინგ-მოდულის მიზანია: კურსის მიზანია მონაწილეებს მისცეს ციფრული ფორმატის ინტერაქტიული მასალის შექმნისთვის აუცილებელი ცოდნა და უნარები.
✅ ტრენინგმოდულის დასრულების შემდეგ მონაწილეები გაიღრმავებენ ცოდნას შემდეგ საკითხებში:
• როგორ უნდა შეიქმნას GeoGebra-ს მეშვეობით ინტერაქტიული სიმულაციები;
• როგორ ხდება GeoGebra-ს ანიმაციების ინტეგრირება ვებ-სივრცეში;
• როგორ შეიძლება GeoGebra-ს გამოყენება სტერეომეტრიის სწავლებისას;
•GeoGe bra-ს მეშვეობით ალბათობის და სტატისტიკის მიმართულების ცალკეული საკითხების სწავლება.
✅ იმისათვის, რომ მონაწილეს წარმატებით გავლილად ჩაეთვალოს ტრენინგი, მან მოდულის დასრულებისას უნდა დააკმაყოფილოს შემდეგი მოთხოვნები: • დაესწროს ტრენინგის 80%-ს; • გადალახოს სატრენინგო შეფასების მინიმალური ზღვარი - 60%.
✅ტრენინგების მიმდინარეობას პერიოდულად ეცნობოდა დირექტორის მოადგილე - ლალი ლომთათიძე. მსგავსი ტრენინგები ეტაპობრივად განხორციელდება აჭარის ყველა მუნიციპალიტეტის წამყვანი მასწავლებლისათვის.