ვორქშოფი გეოგრაფიის სწავლებაში პოლონელი პედაგოგებისათვის
✅ 2025 წლის 24 აპრილს, მასწავლებელთა უცხოეთში სტაჟირების პროგრამის ფარგლებში, ბათუმის მასწავლებლის სახლში ჩატარდა ვორქშოფი გეოგრაფიის სწავლებაში.
✅ სამუშაო შეხვედრა/ვორქშოფი - "მრავალფეროვანი რესურსების გამოყენება გეოგრაფიის სწავლებისას” ჩაატარა ბათუმის მასწავლებლის სახლის ტრენერმა - ლუიზა რევიშვილმა.
ვორქშოფის მიზნები იყო: გეოგრაფიის გაკვეთილზე გამოყენებული სხვადასხვა გეოგრაფიული რესურსის მნიშვნელობის გაცნობა/გაზიარება კოლეგებისათვის. კერძოდ: სხვადასხვა სახის გეოგრაფიული რუკების/ დიაგრამების გამოყენება გეოგრაფიის სწავლებისას; ფოტოების, კომიქსების, კარიკატურის დანიშნულებისა და მნიშვნელობის წარმოჩენა გეოგრაფიის გაკვეთილზე; ინფოგრაფიკების, პოსტერების და სხვა რესურსების, როგორც გეოგრაფიული წყაროების მნიშვნელოვანი ელემენტების წარდგენა გეოგრაფიის სწავლებისას; აუდიტორიის წევრთა მიერ საკუთარი გამოცდილების გაზიარება კოლეგებისათვის.
ვორქშოფის შედეგები: უცხოელ კოლეგებთან გამოცდილების გაზიარება დაგვეხმარება მათგან გარკვეული ხედვის/იდეების მიღებაში; მოცემული რესურსების სხვა რა კურსით დანახვაში; რესურსების ახალ/სხვა ვარიანტებზე დაფიქრებას/შემუშავებაში; რესურსების კიდევ უფრო გამრავალფეროვნებაში.
ვორქშოფის აღწერა: ტრენერმა ისაუბრა ჩანაწერზე ესგ-ში რესურსების მნიშვნელობასა და დანიშნულებაზე გეოგრაფიაში, ყურადღება გაამახვილა ფრაგმენტებზე, სადაც მითითებულია რესურსების შექმნის შესაძლებლობა და გამოყენება; დაადასტურა, თუ რამდენად გათვალისწინებულია ესგ-ში რესურსებზე მუშაობის შესაძლებლობა. ნიმუშებად მოიყვანა მაგალითები სხვადასხვა მასწავლებლების პრაქტიკიდან. მან ასევე ჩაატარა ინტერაქტიული პრეზენტაცია რუკების შესახებ. პრეზენტაციის გამოყენებით მოკლედ ისაუბრა ფოტოების, კომიქსებისა და კარიკატურების გამოყენებაზე გეოგრაფიაში.
✅ ვორქშოფების მიმდინარეობას აკვირდებოდნენ: აჭარის განათლების ფონდის/ ბათუმის მასწავლებლის სახლის დირექტორის მოადგილე - ლალი ლომთათიძე; მასწავლებლის სახლის საგნობრივი კოორდინატორები - სოფიკო თენიეშვილი და ანა ლამპარაძე.
