სკოლის საქმისმწარმოებელთა ტრენინგების ახალი ეტაპი

✅ ა(ა)იპ აჭარის განათლების ფონდი, ბათუმის მასწავლებლის სახლი აგრძელებს  აჭარის განათლების, კულტურისა და სპორტის სამინისტროსა და სსიპ მასწავლებელთა პროფესიული განვითარების ეროვნული ცენტრს შორის  ურთიერთშეთანხმების მემორანდუმის საფუძველზე გადმოცემულ ეროვნული ცენტრის ტრენინგ-კურსებს სკოლის პერსონალის პროფესიული განვითარებისათვის.

✅ 2025 წლის 1-2 ნოემბერს აჭარის განათლების ფონდში დაიგეგმა სკოლის საქმისმწარმოებელთა პროფესიული განვითარების ტრენინგ-კურსი აჭარის საჯარო და კერძო სკოლების საქმისმწარმოებელთათვის. ტრენინგს ატარებდა ბათუმის მასწავლებლის სახლის ტრენერი - ლიკა მკურნალიძე.

✅ ტრენინგ-კურსის მიზანია: ხელი შევუწყოთ საქართველოს ზოგადსაგანმანათლებლო სკოლის პერსონალის პროფესიულ განვითარებას. ამიტომაც გასავითარებელია სკოლის საქმისმწარმოებლის ეფექტური მუშაობისათვის საჭირო უნარ- ჩვევები. აღნიშნული ტრენინგების თემატიკა სკოლის პერსონალის  წევრთა  საჭიროებების ანალიზს ეყრდნობა.

✅ ტრენინგის მსმენელებმა მოისმინეს სკოლის საქმისმწარმოებელთა პროფესიული განვითარების ტრენინგ-კურსის პირველი მოდული: „სკოლის საქმისწარმოება, კორესპონდენცია, ხელშეკრულებები, დაარქივება“. (8 სთ.)

✅ 1-ლი მოდულის თემატიკაა: სკოლაში წარმოებულ კორესპონდენციის სახეები; კორესპონდენციის წარმოების წესი; შრომითი ხელშეკრულებების რეკვიზიტები; მისი გაფორმებისა და შეწყვეტის წესი; სკოლაში არსებული კორესპონდენციის დაარქივების წესი. მსმენელები უზრუნველყოფილი იყვნენ საკითხავი მასალითა და პრაქტიკული სავარჯიშოებით. კურსის წარმატებით გავლის შემდეგ ისინი ცნობებს მიღებენ.

✅ 2 ნოემბერს ტრენინგების მიმდინარეობას  გაეცვნენ:  აჭარის განათლების ფონდის დირექტორი - სულიკო თებიძე და დირექტორის მოადგილე - ლალი ლომთათიძე. ტრენინგს კურირებას უწევდნენ მიმართულების კოორდინატორები - მაია ზოსიძე და სოფო თენიეშვილი.