ტრენინგი: „ტექნოლოგიების გამოყენება ბუნებისმეტყველების გაკვეთილზე“

✅ აჭარის ავტონომიური რესპუბლიკის განათლების, კულტურისა და სპორტის სამინისტროსა და სსიპ მასწავლებელთა პროფესიული განვითარების ეროვნულ ცენტრს შორის არსებული ურთიერთთანამშრომლობის მემორანდუმის ფარგლებში ა(ა)იპ აჭარის განათლების ფონდი/ბათუმის მასწავლებლის სახლი აგრძელებს ტრენინგებს საჯარო და კერძო სკოლების სტატუსიანი მასწავლებლებისათვის.

✅ 2023 წლის 3-5 და 10-12 მარტს ბათუმის მასწავლებლის სახლში დაიგეგმა და TEAMS-ის პლატფორმაზე ჩატარდა  ტრენინგი უფროსი მასწავლებლის სტატუსის მქონე ბუნებისმეტყველების  მოქმედი მასწავლებლებისათვის.  ტრენინგ-მოდულების ხანგრძლივობა და დროში განაწილება: 12 საკონტაქტო საათი, 6 სესია, ერთი სესია - 2 საათი.

✅ ტრენინგ-მოდულს: „ეფექტური ონლაინ სწავლება და ტექნოლოგიების გამოყენება ბუნებისმეტყველების გაკვეთილზე უფროსი/წამყვანი მასწავლებლებისათვის“ წყვილში ატარებდნენ ბათუმის მასწავლებლის სახლის ტრენერები: მზია სალაძე და თამილა თალაკვაძე.

✅ აღნიშნული ტრენინგ-მოდულის მიზნები:

• მასწავლებლები გაეცნონ  ბუნებისმეტყველების საგაკვეთილო პროცესში ციფრული რესურსების გამოყენების შესაძლებლობებს;

• პრაქტიკულად   განახორციელონ აქტივობები.

✅ ტრენინგ-მოდულის ბოლოს მონაწილეები შეძლებენ ბუნებისმეტყველების  გაკვეთილზე   ციფრული რესურსების შექმნასა და გამოყენებას მოსწავლეთა მოტივაციისა და სასწავლო პროცესის გასაუმჯობესებლად, კერძოდ გაეცნობიან:

• Padlet -საზიარო დაფის გამოყენებას;

• Microsoft forms-ის  გამოყენებას სასწავლო პროცესში

• ონლაინთამაშების და სხვადასხვა ციფრული  რესურსების გამოყენებას

• Sway - პრეზენტაციის შექმნას და პრაქტიკაში გამოყენებას

• Book Creator - საგანმანათლებლო პროგრამას და გამოყენებას

• learningapps  შესაძლებლობების გაცნობა და რესურსების შექმნა

• Wakelet საგანმანათლებლო სოციალური პლატფორმის გაცნობა

• Genially ორიგინალური მრავალფუნქციური პროგრამა

✅ იმისათვის, რომ მონაწილეს წარმატებით გავლილად ჩაეთვალოს ტრენინგი, მან მოდულის დასრულებისას უნდა დააკმაყოფილოს შემდეგი მოთხოვნები:

• დაესწროს ტრენინგის 70%-ს

• გადალახოს სატრენინგო შეფასების მინიმალური ზღვარი - 60%

✅ 5 მარტს ტრენინგის მიმდინარეობას გაეცნო დირექტორის მოადგილე მასწავლებელთა პროფესიული განვითარების მიმართულებით- ლალი ლომთათიძე.