მოქალაქეობის ვორქშოფები პოლონელი პედაგოგებისათვის

✅ ა(ა)იპ აჭარის განათლების ფონდში (ბათუმის მასწავლებლის სახლი)  მასწავლებელთა  უცხოეთში სტაჟირების პროგრამის ფარგლებში, ბათუმის მასწავლებლის სახლის  ტრენერები  ატარებენ საინტერესო საგნობრივ ვორქშოფებს და აცნობენ მათ საკუთარ მიღწევებს ამ საგნების სწავლა-სწავლების პროცესში. სასწავლო ვიზიტის განმავლობაში სულ ჩატარდება 5 ვორქშოფი.

✅ 2025 წლის 23 აპრილს ბათუმის მასწავლებლის სახლში ჩატარდა 2 ვორქშოფი სამოქალაქო განათლების მიმართულებით. 

✅ სამუშაო შეხვედრა/ვორქშოფი - „პრობლემაზე ორიენტირებული სწავლება  მოქალაქეობის გაკვეთილზე“, საბაზო საფეხური; კლასი: მერვე / მეცხრე, ჩაატარა ბათუმის მასწავლებლის სახლის ტრენერმა  - ინგა მოსიძემ.

ვორქშოფის მიზნები იყო: პრობლემაზე ორიენტირებული სწავლების მნიშვნელობის გაცნობიერება, მედიაწიგნიერების  სწავლება   ქეისებითა და დილემებით, ქეისისა  და დილემის გაანალიზება, ქეისებითა და დილემებით სწავლების  მნიშვნელობის გააზრება.

ვორქშოფის შედეგები: მასწავლებლები გაიზრებენ პრობლემეზე ორიენტირებული სწავლების მნიშვნელობას სამოქალაქო განათლების სწავლების პროცესში; გააანალიზებენ  ქეისებსა და დილემებს; გამოიმუშავებენ  შესაბამის კომპეტენციას როგორ ასწავლონ მოსწავლეებს  ქეისებითა და დილემებით.

✅ სამუშაო შეხვედრა/ვორქშოპი - სამოდელო გაკვეთილი თემაზე: „ ოჯახური ძალადობა“, ჩაატარა ბათუმის მასწავლებლის სახლის ტრენერმა - ნინო ტავლალაშვილმა.

ვორქშოფის მიზნები იყო: მოქალაქეობის  საგანში დამხმარე   სახელმძღვანელოების განხილვა, გაკვეთილის დაგეგმვა ეროვნული სასწავლო გეგმის შესაბამისად, აუდიტორიის წევრთა მიერ საკუთარი გამოცდილების გაზიარება კოლეგებისთვის, სამოდელო გაკვეთილის ჩატარება, განხილვა, შეფასება.

ვორქშოფის შედეგები: პედაგოგები შეძლებენ უკეთ დაგეგმონ  გაკვეთილები  „ოჯახური  ძალდობის “ თემაზე; გაეცნობიან  ინდივიდუალური სამუშაო გეგმების შედგენის სპეციფიკას ეროვნული სასწავლო გეგმის ძირითადი   ორიენტირების, ზოგადი განათლების ეროვნული მიზნების და კლასის საჭიროებების გათვალისწინებით; გამოიყენებენ  აქტიური და კოოპერაციული სწავლების მეთოდებს.

✅ ვორქშოფების მიმდინარეობას აკვირდებოდნენ: აჭარის განათლების ფონდის/ ბათუმის მასწავლებლის სახლის დირექტორის მოადგილე - ლალი ლომთათიძე; მასწავლებლის სახლის საგნობრივი კოორდინატორები - სოფიკო თენიეშვილი და ანა ლამპარაძე.