ისტორიის სწავლების ვორქშოფები პოლონელი პედაგოგებისათვის
✅ 2025 წლის 26 აპრილს ა(ა)იპ აჭარის განათლების ფონდში (ბათუმის მასწავლებლის სახლი) მასწავლებელთა უცხოეთში სტაჟირების პროგრამის ფარგლებში, ჩატარდა 2 ვორქშოფი ისტორიის მიმართულებით.
✅ სამუშაო შეხვედრა/ვორქშოპი - „ინოვაციური მეთოდების გამოყენება საზოგადოებრივი მეცნიერებების სწავლების დროს“ ჩაატარა ბათუმის მასწავლებლის სახლის ტრენერმა - კახაბერ ჩაკვეტაძემ.
ვორქშოფის მიზანი იყო: ვორქშოპის მონაწილეები გაეცნონ სწავლების ინოვაციურ მეთოდებს, რომელიც შეიძლება გამოიყენონ საზოგადოებრივი მეცნიერებების სწავლების დროს საბაზო და საშუალო საფეხურზე.
ვორქშოფის შედეგები: ვორქშოპის შემდეგ მსმენელები შეძლებენ პრაქტიკაში გამოიყენონ სწავლების ინოვაციური მეთოდები, აღნიშნული მეთოდების გამოყენების შედეგად გაიზრდება მოსწავლეთა კოგნიტური ჩართულობა საგაკვეთილო პროცესში.
✅ სამუშაო შეხვედრა/ვორქშოპი - „პროექტული სწავლების და კოგნიტური სქემების დანერგვის უპირატესობები“, ჩაატარა ბათუმის მასწავლებლის სახლის ტრენერმა - ნიკოლოზ იმედაიშვილმა.
ვორქშოფის მიზნები იყო:
- საკუთარი პროფესიული საქმიანობის გაცნობა და გამოცდილების გაზიარება კოლეგებისთვის
- კონკურსის „პროექტი ჩემს გაკვეთილზე“ წარდგენა
- პროექტული სწავლების უპირატესობების შესახებ გამოცდილების გაზიარება
- კოგნიტური სქემების გაცნობა და ანალიზი
ვორქშოფის შედეგები: ვორქშოფის შემდეგ მასწავლებლები შექმნიან ანალოგიურ სქემებს კონკრეტული საჭიროებებიდან გამომდინარე, დანერგავენ ვორქშოფზე მიღებულ გამოცდილებას საკუთარ პრაქტიკაში, გააანალიზებენ პროექტული სწავლების დანერგვის უპირატესობებს
✅ ვორქშოფების მიმდინარეობას აკვირდებოდნენ: აჭარის განათლების ფონდის/ ბათუმის მასწავლებლის სახლის დირექტორის მოადგილე - ლალი ლომთათიძე; მასწავლებლის სახლის საგნობრივი კოორდინატორები - სოფიკო თენიეშვილი და ანა ლამპარაძე.
